translate.az - tərcümə portalı istifadəyə verildi

[admin]

“Dilmanc” tərcümə sistemi əsasında Azərbaycan dilindən digər dillərə və əksinə onlayn tərcümə sistemi istifadəyə verildi.

http://www.translate.az saytına daxil olmaqla mətnləri Azərbaycan - ingilis, ingilis - Azərbaycan, Azərbaycan - rus, rus - Azərbaycan və türk - Azərbaycan istiqamətləri üzrə avtomatik tərcümə etmək mümkündür. Bundan əlavə, yaxın gələcəkdə saytda mətni kompüter vasitəsilə səsləndirmək, veb-səhifələri olduğu kimi saxlayaraq Azərbaycan dilinə tərcümə etmək, onlayn lüğət və s. xidmətlər istifadəyə veriləcək. Layihə çərçivəsində Azərbaycan dilindən digər dillərə də tərcümə sistemlərinin yaradılması planlaşdırılır.

Səhifə “Dilmanc” layihəsi çərçivəsində Azərbaycan Respublikası Rabitə və İnformasiya Texnologiyaları nazirliyinin dəstəyi ilə yaradılmışdır.

Tərcümə istiqamətləri:
* Azərbaycan - Rus
* Rus - Azərbaycan
* Azərbaycan - İngilis
* İngilis - Azərbaycan
* Türk - Azərbaycan

Digər xidmətlər:
* Mətnin səsləndirilməsi
* Veb-səhifələrin tərcüməsi
* Onlayn lüğət

[Rasim Ashurov]

Çoxdan Google-translate yaradılıbdır. Bunu yerinə, Dilmanc-ın səhvləri düzəlmiş versiyasını yazsaydınız ondan yaxşı olardı. Yoxsa yazıq 2 ildir artıq BETA kimi qalıb, hansı proqramçı öz proqram təminatını belə uzun müddətə BETA kimi saxlayır? Beta versiyası yaradırlar ki, istifadəçilər yeni versiyanın yaxşı və pis cəhətlərini desinlər və bu məlumat, Beta versiyasının gələcəkdə düzgün proqram təminatı kimi yaratmağa kömək edir. Dilmanc-da bir adamı bezdirən nasazlıq var: istənilən intervalda və istənilən həcmdə mətnin (nəzərinizə çatdırım ki, 2 cümlədən artıq deyildi) tərcüməsi zamanı (yəni F9 düyməsini) klikləyəndə "Gözləmə" forması açılıq və proqram "donur". Bu nasazlıq, birbaşa proqram təminatının kodunda ola səhvin nəticəsidir.

Hörmətlə, Delphi proqramçısı, "Şəxsi büdcəm" proqram təminatının müəllifi.

[Rauf Fatullayev]

Ingilis-Azərbaycan və Azərbaycan-İngilis istiqamətləri üzrə tərcümənin yeni versiyası translate.az saytında yaxın aylarda istifadəyə veriləcək

[Toka]

Salam. İlk olaraq bu cur sistemler uzerinde işlediyinizə görə size minnətdarlığımı bildirirəm.

Amma bir az da təssuf hissi keçirirəm ki, nədən bu işlərə çox məsuliyyətsiz yanaşma var. Bu sistem sərgi vaxtı təqdim olundu, amma ele sərgi vaxtıda və ondan sonrada işləmədi. Fikirləşdik ki, bu da növbəti bir "Ğöstəridi". Bir müddət sonra açıldı. Sevindik. Başladıq istifadə etməyə .... Amma sistem nə sistem. Sözlərin yarısı çıxmır. Ümumiyyətlə cümlənin mahiyyəti tamami ilə itir. Mən bunu "bir gənc tələbənin bu sahədəki cəhdləri" kimi qiymətləndirirəm. Dilmanc kollektivindən bu cür nəticə gözləmirdik. Düzü bunu yazmağıma səbəb ele indicə bu sistmei bir dostuma təqdim etmək istədim, amma yenə işləmədi deyə yazdım. Uğurlar sizə, amma bunu tam bitirb sonra istifadəyə versəydiniz əla olardı.

[Rauf Fatullayev]

Salam
Nəzərinizə çatdırırıq ki, sistem hələ istifadəyə verilməyib. dilmanc.az saytına baxsanız görərsiniz ki, orda translate.az -a heç bir link yoxdur. translate.az -a daxil olarkən diqqətli olsaydınız, `sistem beta testləşdirilmə mərhələsindədir` yazısını görərdiniz. Sistem istifadəyə ona görə vaxtından tez verilir ki, istifadəçilər müxtəlif bənzətmələr əvəzinə, səhvləri bizə bildirsinlər.
Tərcümə keyfiyyəti isə yaxın aylarda yüksələcək və bundan sonra sistem istifadəçilərə təqdim olunacaq. Bakutel sərgisində biz sadəcə hansı texnologiyalar üzərində işlədiyimizi nümayiş etdiririk.

[Rasim Ashurov]

>Mən bunu "bir gənc tələbənin bu sahədəki cəhdləri" kimi qiymətləndirirəm
- Təmamilə razıyam.

>Dilmanc kollektivindən bu cür nəticə gözləmirdik.
- 2 il proqram təminatını Beta kimi saxlayan proqramçılardan başqa nə gözləmək olar

[Imran]

Salam
Men burda hec tercume etmek ucun hec bir vasite gormurem.Seher 2saatdir kiora bura girirem ki tercume edim.Amma bir sey yoxdu.Bele tercume sayti olar???????????????????

[admin]

translate.az texniki işlərlə əlaqədar olaraq bir neçə günlük dayandırılmışdır. Artıq istifadəyə verilib.

[AZERI QIZI.]

bu nece tercume proqrami bir sozu azerb den rus diline tercume etmir?rus dilinden edir ama.xaiw edirem,cavablandirin.

[admin]

Hansı sözü tərcümə etmir?